Поведена предистражна постапка за перење пари од страна на високи македонски функционери во Република Србија

Скопје, 07 Декември 2017

Основното јавно обвинителство за гонење на организиран криминал и корупција по допрен глас поведе предистражна постапка заради постоење на индиции за сторено кривично дело Перење пари и други приноси од казниво дело од чл.273 од Кривичниот законик.

Предистражната постапка е како резултат на објавените написи од страна на повеќе медиуми во Република Македонија во врска со изјавата на поранешниот српски министер за надворешни работи и претседател на Народната партија во Република Србија, Вук Јеремиќ. Изјавата се однесува на наводно перење пари во Република Србија од страна на високи македонски функционери и нивната поврзаност со физички и правни лица од Србија и Чешка.

Јавен обвинител од Основното јавно обвинителство за гонење на организиран криминал и корупција ги презема сите потребни дејствија и координација со  институциите надлежни за откривање на овој вид на кривични дела.

За понатамошниот тек на постапката, јавноста континуирано ќе биде известувана.

51 total views, no views today

Основното јавно обвинителство – Скопје издаде наредби за проверка на информациите за кражба на пари и предмети од банкарски сефови

Скопје, 06 Декември 2017

Основното јавно обвинителство – Скопје од 30.11.2017 година постапува по пријавата за наводна кражба на пари и вредни предмети од сефови во Шпаркасе банка. Пријавата е заснована на изјавите на две лица кои тврдат дека во нивните банкарски сефови недостигаат пари и вредни предмети.

Оваа пријава веднаш е дадена на работа на дежурен јавен обвинител, кој во насока на расветлување на случајот издаде наредба за обезбедување на снимките од видео надзорот и барање за обезбедување податоци и документација од банката.

Истовремено, издадена е и наредба за вештачење на материјални траги подигнати на лице место. Притоа, се проверува кој се имал пристап до трезорот со сефови на банката.

31 total views, 2 views today

Основното јавно обвинителство за гонење на организиран криминал и корупција ќе постапува по кривичната пријава во врска со снимањето на играна серија

Скопје, 06 Декември 2017

Денеска, до Основното јавно обвинителство за гонење на организиран криминал и корупција од страна на Управата за финансиска полиција е поднесена кривична пријава против едно лице за кое постои основано сомнение дека сторило кривично дело Злоупотреба на службена положба и овластување од чл. 353 став 5 в.в. став 1 од Кривичниот законик.

Лицето како раководен субјект на Агенцијата за филм во периодот од октомври 2016 година до септември оваа година, искористувајќи ја својата службена положба и пречекорувајќи ги границите на своето службено овластување го оштетило Буџетот на Република Македонија за износ од 68.000.000,оо денари. Имено, при постапката за финансирање на Проектот – играна серија ‘‘Македонија‘‘, осомниченото лице овозможило Друштвото за филмска и видео продукција „Јадран Филм“ ДООЕЛ Скопје да се стекне со против правна имотна корист во погоре наведениот износ, а на штета на Буџетот на Република Македонија.

Како што веќе информиравме, за овој случај Основното јавно обвинителство за гонење на организиран криминал и корупција по известување од Управата за финансиска полиција, минатиот месец отвори предистражна постапка, денешната кривична пријава е земена во работа и по истата се постапува.

За понатамошниот тек на истрагата јавноста континуирано ќе биде известувана.

66 total views, no views today

Притвор за седум лица осомничени за неовластено производство и пуштање во промет наркотични дроги, психотропни супстанции и прекурсори

Скопје, 05 Декември 2017

Основното јавно обвинителство за гонење на организиран криминал и корупција, донесе Наредба за спроведување на истражна постапка против двајца државјани на Република Србија и петмина македонски државјани осомничени дека сториле кривично дело Неовластено производство и пуштање во промет наркотични дроги, психотропни супстанции и прекурсори од чл.215 ст.3 в.в. со ст.1 од Кривичниот законик.

На сите седум осомничени лица по предлог на надлежен јавен обвинител од Основното јавно обвинителство за гонење на организиран криминал и корупција од страна на судија на претходна постапка им е определена мерка притвор во траење од 30 дена.

Како што веќе информиравме, на 30 ноември и први декември, согласно поведената кривична постапка против Меѓународна организирана криминална група, што се занимава со неовластено производство и држење заради продажба на тнр. „Синтетички дроги“, Министерството за внатрешни работи, Оддел за сузбивање на организиран и сериозен криминал, врз основа на наредби издадени од судија на претходна постапка, изврши претрес на повеќе објекти и локации на подрачјето на Тетово и Скопје.

При претресот на локацијата во Тетово е откриена инсталирана нелегална, лабораторија – погон за одвивање на техничко-технолошки процес за неовластена преработка на различни материи и супстанции за неовластено производство на наркотични дроги, психотропни супстанции и прекурсори, како и големи колични на различни материи и супстанции. На локација во скопско Батинци е откриена опрема и големи количини на материи, за кои основано се сомнева дека се со истата намена, како пронајдените во Тетово.

Од првично извршените вештачења на помал дел од пронајдените супстанции е утврдено дека групата произвела во форма на таблетки вкупно 204.696 парчиња со вкупна маса од 35,044 килограми. Таблетите содржат активна компонента на психотропна супстанца -амфетамин, која е стимуланс на централниот нервен систем класифициран во Листа II на забранети опојни дроги и психотропни супстанции. Во тек се вештачења над останатите пронајдени материи и супстанции за што јавноста континуирано ќе биде известувана.

Продолжува и меѓународната правна соработка помеѓу Основното јавно обвинителство за гонење на организиран криминал и корупција со Јавното обвинителство за организиран криминал во Република Србија за целосно расветлување на случајот.

35 total views, no views today

Утврден е идентитетот на двете починати лица од разбојништвото во менувачница

Скопје, 04 Декември 2017

Основното јавно обвинителство Скопје издаде бројни наредби за преземање на дејствија во насока на расветлување на настанот што се случи во менувачница во скопска Кисела Вода, кога сопственикот пукаше во двајца разбојници.

Идентитетот на едниот од починатите беше утврден. Во соработка со Министерството за внатрешни работи, утврден е идентитетот и на второто починато лице преку вршење споредба на папиларните линии од прстите на рацете. Станува збор за граѓанин на Република Србија по кого поради претходно сторени кривични дела била распишана потерница. Идентификацијата е потврдена и од страна на надлежните органи од Република Србија.

Според првичните сознанија на јавното обвинителство, македонскиот државјанин кој вршејќи разбојништво настрада во менувачницата, бил осуденик кој од користење на слободен викенд во март годинава не се вратил во затвор. Тој летово бил сторител на петнаесетина разбојништва на банки, менувачници и обложувалници. Разбојништвата претежно ги вршел сам, но последниот пат се здружил со познатиот разбојник од Република Србија.

Иако за обвинителството првично се утврдени потребните факти и докази што ја откриваат вистината и одговорноста за тоа што се случило, за да се потврди дали навистина сопственикот на менувачницата делувал во нужна одбрана, потребно е целосно прибирање на сите докази во предметот, по што ќе следи донесување на јавно обвинителска одлука.

33 total views, 1 views today

Откриена најголема лабораторија за производство на синтетички дроги во Југоисточна Европа

Скопје, 01 Декември 2017

Основното јавно обвинителство за гонење на организиран криминал и корупција остварувајќи меѓународна правна соработка во предистражна постапка со Јавното обвинителство за организиран криминал и Министерството за внатрешни работи на Република Србија откри инсталација на најголема лабораторија за неовластено производство на синтетички дроги во Југоисточна Европа. За координирање на паралелна прекугранична истрага и соработка е формиран Заеднички истражен тим на органите од двете држави.

Во текот на вчерашниот ден, на подрачјето на Тетово и Скопје, јавното обвинителство во соработка со Министерството за внатрешни работи на Република Македонија – Оддел за сузбивање на организиран и сериозен криминал спроведе акција при што е откриена цела инсталација за неовластено производство на синтетички дроги и се запленети големи количини на синтетичка дрога, како и суровини за нејзино производство.

Станува збор за меѓународна организирана криминална група, составена од државјани на Република Србија и македонски државјани, која се занимава со неовластено производство, обработка, поседување, пренос, посредување во продажба или купување, како и на друг начин неовластено пуштање во промет на наркотични дроги, психотропни супстанции и прекурсори. Во исто време од страна на групата во Тетово била опремена илегална лабораторија за производство на синтетички дроги и прекурсори, со намера за натамошна продажба и организирање на испорака на истите во Република Македонија, Република Србија и во други земји.

Годинава ова е десетта организирана криминална група сузбиена од страна на Основното јавно обвинителство за гонење на организиран криминал и корупција.

Надлежниот јавен обвинител презема законски истражни дејствија за процесуирање на откриеното кривично дело и неговите извршители за што во текот на денот јавноста дополнително ќе биде информирана.

49 total views, 1 views today

Реакција на прилогот на ТВ Алфа

Скопје, 30 Ноември 2017

Јавното обвинителство на Република Македонија реагира наводите во прилогот „ЈО: Ако „сликарот“ е службено лице ќе го гониме ние, ако не, Чавков да си тужи сам“, објавен на Вашата телевизија од страна на новинарката Катерина Гетева.

Текстот на прилогот содржи целосно произволно толкување и несоодветно парафразирање на писмениот одговор даден од страна на прес-службата на Јавното обвинителство на Република Македонија на поставеното новинарско прашање.

Имено, на прашањето упатеното од страна на новинарката, Јавното обвинителство на Република Македонија испрати писмен одговор со следната содржина:

Членот од Кривичниот законик што го цитирате се однесува на одавање на службена тајна и не може да се поврзе со случајот на фотографирање на судското рочиште. 

Основното јавно обвинителство – Скопје по допрен глас отвори предмет за настанот што го споменувате, но со цел утврдување дали постојат елементи на сторено кривично дело – Неовластено снимање од член 152 од Кривичниот законик. Притоа, се утврдува дали делото е сторено во согласност со став 2 од овој член, односно дали го извршило службено лице во вршење на службата. Доколку ова се утврди, Основното јавно обвинителство – Скопје ќе постапува по службена должност. Доколку, пак, се утврди дека делото не го извршило службено лице, членот 152 регулира дека гонењето се презема само по приватна тужба.

Во рамките на истиот предмет се испитува и потеклото на фотографијата од Истражниот затвор – Скопје, која исто така се шири по социјалните мрежи.“

Во одговорот кој не е доследно цитиран, се прецизира дека Основното јавно обвинителство – Скопје има отворено предмет во врска со објавата на фотографиите и на него активно работи. Но, во согласност со одредбите на Кривичниот законик, доколку се утврди дека лицето кое извршило неовластено снимање не е службено лице, постапката единствено може да биде иницирана по пат на приватна тужба.

Во интерес на објективно и вистинито информирање на јавноста, а во согласност со законските одредби кои овозможуваат право на реакција и демант, бараме да објавите исправка на информацијата изнесена во прилогот.

107 total views, no views today

Триесет и шестмина се гонат за Терористичко загрозување на уставниот поредок и безбедноста

Скопје, 28 Ноември 2017

Основното јавно обвинителство за гонење на  организиран криминал и корупција по преземање на сите дејствија за утврдување на фактите во врска со настаните  кои се случија на 27 април 2017 година во Собранието на Република Македонија ја заврши предистражната постапка.

По разгледување и анализа на прибраниот доказен материјал, Основното јавно обвинителство за гонење на организиран криминал и корупција донесе Наредба за спроведување на истражна постапка против  триесет и шест лица поради  основано сомнение за сторено кривично дело Терористичко загрозување на уставниот поредок и безбедноста од член 313 од Кривичниот законик.

353 total views, 1 views today

Основното јавно обвинителство Скопје го истражува двојното убиство во Кисела Вода

Скопје, 27 Ноември 2017

Основното јавно обвинителство Скопје изврши увид на лице место заедно со увидна екипа од крим техника во менувачницата во Кисела Вода каде попладнево при обид за разбојништво две лица беа лишени од живот. Надлежниот јавен обвинител издаде Наредба за обдукција на починатите и за вештачење на прибраниот доказен материјал. Обезбедени се траги од лице место, како и видео надзорот од менувачницата. Идентитетот на едно од починатите лица е утврден. Во моментов се преземат дејствија за идентификација на второто починато лице.

Настанот се случи попладнево околу 16.30 минути, кога две вооружени лица сториле обид за разбојништво во менувачница. При тоа, од страна на сопственикот на менувачницата било употребено огнено оружје и двете лица се лишени од живот. На сопственикот на менувачницата му е укажана медицинска помош, поради здобиени телесни повреди при настанот.

 

38 total views, 1 views today

Основното јавно обвинителство – Скопје работи на разоткривање на убиецот во Чаир

Скопје, 27 Ноември 2017

Надлежен јавен обвинител од Основното јавно обвинителство – Скопје ги презема сите неопходни дејствија во насока на откривање на сторителот и мотивот за убиството што се случи во петокот вечерта во скопската населба Чаир.

Обезбедени се видео записите од камерите што се наоѓаат во околината на местото каде се случи убиството и истите ќе бидат предмет на анализа. По наредба на јавниот обвинител телото на починатиот е предадено на обдукција​. Во исто време, издадени се повеќе наредби за вештачење на чаурите, на облеката, на трагите од крв и на други предмети пронајдени и подигнати од местото на настанот.

36 total views, no views today

Page 1 of 5012345...102030...Last »