ПОЧЕТНА
СТРАНА

II. УСТАВНА ПОЛОЖБА НА ЈАВНОТО ОБВИНИТЕЛСТВО

Уставната положба на Јавното обвинителство на Република Македонија, како и неговата положба во системот на државната власт се поставуваат со Уставот на Република Македонија од 17. ноември 1991 година (Службен весник на РМ број 52 1991 година). Согласно чл.106 од Уставот: "Јавното обвинителство е единствен и самостоен државен орган кој ги гони сторителите на кривични дела и на други со Закон утврдени казниви дела и врши и други работи утврдени со Закон. Јавното обвинителство ги врши своите функции врз основа и во рамките на Уставот и законот. Јавниот обвинител го именува и разрешува Собранието за време од 6 години". Во чл.107 се вели: "Јавниот обвинител ужива имунитет. За неговиот имунитет одлучува Собранието. Функцијата Јавен обвинител е неспоива со вршење на друга јавна функција и професија или со членување во политичка партија".